خيردابولاق

آذربايجانين ميانا شهرينين كاغيذكنان بولوموندن خيردابولاق كندين تانيتماغ ايچين گلميشيك

آي ميرزه دايي

بؤلوم :

كئچن گونلريمي سالاندا يادا كدرلنير كونلوم ، قالخير هارايي جوشغون چايلار اولور گوزوم ده آدا اود دوتوب يانيرام آي ميرزه دايي **** بير زامان داليمي داياديم داغا ائله آرخالانيب ، قالخديم آياغا سولدان ايلهام آليب باخماديم ساغا سالميشديم چيگنيمه كاماني ، يايي هاني او گونلريم آي ميرزه دايي **** يادوندادير ائل گوروشي باشلاندي آشدي ، جوشدي محبت لر داشلاندي اوعشق ، او محبت آليشدي ياندي بورودي توستوسي گونشي آيي اودوركي يانيرام آي ميرزه دايي **** گوردوگون زاماندان آد قاليبدي بيل صداقت يئرينه ايشلير يالان ديل او آيدين اوركلر اولوب قارا ذيل اولوبدور غمخانه ، شنليك سارايي ادوركي يانيرام آي ميرزه دايي **** بيرينين آغزيندا بير يوك سوز گوردوم بيرينده اوتانماز باخار گوز گوردوم بيرينين قلبيني دولو كوز گوردوم سالميشدير داغ داشا اودلي هارايي اودوركي يانيرام آي ميرزه دايي **** بيرين آتشلره گوردوم كي ياندي بيري اوز ديديگين داهادي داندي بيري حقيقتي آزاجيق قاندي حايف قانانلارين آزاولدي سايي اودوركي يانيرام آي ميرزه دايي **** بيرينين طوفانلار قوپدي باشيندا بيري يالتاقلاندي الي دوشونده بيري جان چوروتدي جاوان ياشيندا قيش اولدي عومرونون باهاري يايي اودوركي يانيرام آي ميرزه دايي **** بيري اوز قانيلان قانونلار يازدي بيري دوز گئتديگي ، يولوندان آزدي بيري اينساليقين كوكسوني قازدي گويرمز داها دا ، باغلاسان چايي اودور كي يانيرام آي ميرزه دايي **** بيرين مسلكينه اينانميش گوردوم بيرين ايستگينده دايانميش گوردوم بيرين نئچه رنگه بويانميش گوردوم خائن ايچينده ده آز اولار تايي اودوركي يانيرام آي ميرزه دايي

یازار : بهرنگ پويان ۱۲ ارديبهشت ۱۳۹۰ | باخیش لار (3)

آنا یارپاق

آرشیو

ایلگی

آختاریش

 

بؤلوم لر

 

یولداش لار

سون یازیلار

آي ميرزه دايي

آرشيو

ارديبهشت ۱۳۹۰

 

باغلانتی لار

سایغاج

ایندی بلاق دا :
بو گونون گؤروشو :
دونه نین گؤروشو :
بو آیین گؤروشو :
بوتون گؤروش لر :
یازی لار :
باخیش لار :
یئنیله مه چاغی :

ایمکان لار

RSS 2.0